ថ្ងៃព្រហស្បតិ៍ ១២រោជ ខែមាឃ ឆ្នាំកុរ ព.ស ២៥៦៣ ត្រូវនឹងថ្ងៃទី ២០ ខែកុម្ភៈ ឆ្នាំ២០២០ លោក ឈាង ណូរ៉ា ជាប្រធាន.ការិយាល័យអភិវឌ្ឍន៍សហគមន៍កសិកម្ម រួមជាមួយខ្ញុំបាទ ផាន ភា មន្ត្រី ការិយាល័យអភិវឌ្ឍន៍សហគមន៍កសិកម្ម ក្រោមកិច្ចសហការណ៍ជាមួយអង្គការឌី ភី អេ បានចូលរួមក្នុងកម្មវិធី មហាសន្និបាតប្រចាំឆ្នាំ២០១៩ របស់សហគមន៍កសិកម្មសាមគ្គីម៉ឺនថាំង ដែលមានទីតាំងស្ថិតនៅភូមិម៉ឺនថាំង ឃុំតឺន ស្រុកកូនមុំ។
+ មហាសន្និបាទនេះ មានរយ:ពេល១ព្រឹក
+ ក្នុងគោលបំណង÷
១.ដេីម្បីបូកសរុបការងារដឹកនាំ គ្រប់គ្រងសហគមន៍កសិកម្មរយៈពេលមួយឆ្នាំកន្លងមកជូនសមាជិកសហគមន៍កសិកម្ម
២.ដើម្បីរាយការណ៍អំពីដំណើរការ នឹងលទ្ធផលនៃការប្រកបមុខរបររបស់សហគមន៍កសិកម្មជូនដល់សមាជិក
៣.ដើម្បីអនុម័តផែនការសកម្មភាព ផែនការហិរញ្ញវត្ថុ និងបញ្ហាពាក់ព័ន្ធផ្សេងៗ ជូនសមាជិកសហគមន៍
+ កម្មវិធីនេះមានការអញ្ជើញចូលរួមដោយ÷
• លោក ឈាង ណូរ៉ា ប្រធានការិយាល័យអភិវឌ្ឍន៍សហគមន៍កសិកម្ម
• លោក ស៑ុ សារ៉ាន់ តំណាងអង្គការ ឌី ភី អេ
• រួមមានលោក មេឃុំ មេភូមិ បុគ្គលិក អង្គការ ឌី ភី អេ សរុបចំនួន ៣២នាក់ ស្រី ៩នាក់។
.jpg)
