ថ្ងៃអង្គារ ៨កើត ខែអាសាឍ ឆ្នាំកុរ ព.ស. ២៥៦៣ ត្រូវនឹងថ្ងៃទី០៩ ខែកក្កដា ឆ្នាំ ២០១៩ ការិយាល័យអភិវឌ្ឍន៍សហគមន៍កសិកម្ម ដឹកនាំដោយលោក សុខ ធឿន សហការជាមួយគម្រោងពង្រឹងអំណាចសហគមន៍កសិកម្ម និងសង្គមស៊ីវិលក្នុងខេត្តឧត្តរមានជ័យ(គម្រោងអាកសូ) បានបើកវគ្គបណ្តុះបណ្តាលគ្រូបង្គោលស្តីពី “ការបង្កើតសហភាពសហគមន៍កសិកម្ម និងការស្វែងរកមតិគាំទ្រតាមផ្លូវច្បាប់” ដោយមានការចូលរួមពីសំណាក់លោក ជា សាំងដូណា ប្រធាននាយកដ្ឋានអភិវឌ្ឍន៍សហគមន៍កសិកម្ម នៃអគ្គនាយកដ្ឋានកសិកម្ម ,តំណាងមន្ទីរកិច្ចការនារី អង្គការដៃគូ និងសមាជិកសហគមន៍ចំនួន០៩សហគមន៍ ក្នុងខេត្តឧត្តរមានជ័យ ដែលសរុបចំនួន៤៥នាក់ ស្រី១៥នាក់ ។ វគ្គនេះរៀបចំដោយអង្គការអភិវឌ្ឍន៍កសិកម្មដាណឺម៉ាក់អាស៊ី (ADDA) ដែលមានរយៈពេល៣ថ្ងៃ ធ្វើនៅមន្ទីរកសិកម្មរុក្ខាប្រមាញ់ និងនេសាទខេត្តឧត្តរមានជ័យ។
